لاہور : اینٹی کرپشن نے حلقے کے ترقیاتی کاموں میں کمیشن لینے کے الزام پر پی ٹی آئی رہنما زرتاج گل کو 10 اپریل کو طلب کر لیا ہے، وہ اور ان کے شوہرفنڈزکی فراہمی پر10 فیصد کمیشن لیتے تھے۔
تفصیلات کے مطابق اینٹی کرپشن نے پی ٹی آئی رہنما زرتاج گل اور سابق وزیراعلیٰ عثمان بزدارکو 10 اپریل کو طلب کر لیا ہے۔
زرتاج گل کو حلقے کے ترقیاتی کاموں میں کمیشن لینے کے الزام پرتحقیقات کیلئے طلب کیا گیا ،ذرائع نے بتایا کہ زرتاج گل اور ان کے شوہر ترقیاتی اسکیمزکےفنڈزکی فراہمی پر10 فیصد کمیشن لیتے تھے۔
اینٹی کرپشن نے کمیونٹی ڈیولپمنٹ پروگرام اسکیموں کا ریکارڈ بھی طلب کرلیا ہے اور پبلک ہیلتھ انجینئرنگ کے افسران کوبھی10اپریل کوطلبی کا نوٹس بھی جاری کردیا ہے۔
دوسری جانب تونسہ میں 70کروڑ کی لاگت سے 50کلومیٹرطویل سڑک کی تعمیرمیں کرپشن کے معاملے پر عثمان بزدار پر محکمہ ہائی وے کے افسران اور ٹھیکیداروں کی مبینہ ملی بھگت سے کرپشن کا الزام ہے۔
ذرائع اینٹی کرپشن نے بتایا کہ تعمیرمیں ناقص میٹریل کےاستعمال سےسڑک ٹوٹ پھوٹ کاشکارہوگئی، سابق وزیر اعلیٰ عثمان بزدار نے کروڑوں روپے کی ٹف ٹائل کی منظوری دی تھی۔
ذرائع کے مطابق ٹف ٹائل میں ناقص میٹریل استعمال کیا گیا تھا، عثمان بزدار کی ذاتی رہائش گاہ پر کروڑوں روپےکی لاگت سے فنڈ سےکثیرمقصدی ہال تعمیرکیا گیا ، انھوں نے قبرستان کی چاردیواری کی تعمیر کیلئے 6کروڑ ٹھیکے میں بھی کک بیکس وصول کی۔
حکام کا کہنا تھا کہ عثمان بزدار نے فرنٹ مین،قریبی رشتےدار اعجازلغاری کوٹھیکوں کی مدمیں کروڑوں کافائدہ پہنچایا۔
