ویرات کوہلی کے وکٹ لینے پر ان کی اور اہلیہ انوشکا شرما کی ایک جیسے انداز میں جشن منانے کی ویڈیو وائرل ہوگئی۔
آئی سی سی کی جانب سے بھارتی بیٹر ویرات کوہلی کی ویڈیو شیئر کی گئی ہے جس میں وہ نیدرلینڈز کے بیٹر کو آؤٹ کرنے کے بعد جشن منا رہے ہیں اور انھیں کپتان روہت شرما مبارکباد دے رہے ہیں۔
ویڈیو میں انٹرنیشنل کرکٹ کونسل نے کوہلی کے وکٹ لینے پر بالی وڈ اداکارہ انوشکا شرما کے جشن منانے کے انداز کو بھی شیئر کیا ہے جس میں وہ اور بھارتی بیٹر ایک جیسے انداز میں دونوں ہاتھوں کی مٹھیاں بنا کر خوش کا اظہا کررہے ہیں۔
اس ویڈیو کو شیئر کرتے ہوئے آئی سی سی نے کیپشن میں لکھا کہ ’ایک ساتھ جشن منانے کا انداز‘، جبکہ مذکورہ کلپ میں کوہلی اور انوشکا دونوں پرجوش انداز میں ہنستے ہوئے بھی نظر آرہے ہیں۔
ایک صارف نے ویڈیو پر کمنٹ کرتے ہوئے لکھا کہ مومنٹ ہے بھائی مومنٹ ہے، دوسرے شخص نے لکھا کہ انوشکا بھابھی خوش کا بٹن ہیں۔ ایک شخص کا کہنا تھا کہ سب سے بہترین لمحہ وہ تھا جب انوشکا ہنس رہی تھیں۔
بھارت نے ورلڈکپ کے اپنے آخری لیگ میچ میں نیدرلینڈز کو 160 رنز سے شکست دی تھی۔ اس میچ میں ویرات کوہلی نے بھی بولنگ کرتے ہوئے تین اوورز میں 13 رنز دے کر کپتان اسکاٹ ایڈورڈز کی وکٹ حاصل کی۔
