پشاور میں گزشتہ ایک ماہ کے دوران کتنی گرفتاریاں ہوئیں؟

پشاور: صوبہ خیبر پختونخواہ کے دارالحکومت پشاور میں گزشتہ ایک ماہ کے دوران پرتشدد واقعات میں ملوث 7 سو سے زائد افراد کو گرفتار کیا گیا ہے۔

تفصیلات کے مطابق پشاور میں پرتشدد واقعات میں ملوث افراد کی گزشتہ ایک ماہ کے دوران کی جانے والی گرفتاریوں سے متعلق رپورٹ جاری کردی گئی۔

پرتشدد مظاہروں میں ملوث اب تک 731 افراد کو گرفتار کیا گیا، 284 کو دہشت گردی اور 447 کو توڑ پھوڑ اور جلاؤ گھیراؤ کی دفعات میں گرفتار کیا گیا۔

رپورٹ کے مطابق پرتشدد احتجاج سے متعلق 25 ایف آئی آرز درج ہیں جن میں 5 میں سے دہشت گردی کی دفعات شامل ہیں۔

ان مقدمات میں 180 افراد کو نامزد کیا گیا ہے، مقدمات میں 5 ہزار 700 سے زائد نامعلوم ملزمان بھی شامل ہیں۔

رپورٹ میں کہا گیا ہے کہ گرفتار ملزمان کی شناخت ویڈیوز اور تصاویر سے کی گئی ہے۔

Comments