ارشد شریف قتل کیس میں جے آئی ٹی نے پیشرفت رپورٹ پر اعتراض دور کر دیا۔
ذرائع کے مطابق جے آئی ٹی نے کینیا کی پوسٹمارٹم رپورٹ اور بیان حلفی دوبارہ جمع کرا دیا ہے۔ اعتراض دور ہونے پر رجسٹرار آفس نے پیشرفت رپورٹ وصول کر لی۔
رجسٹرار آفس نے کینیا کی پوسٹمارٹم رپورٹ کی فوٹو کاپی اعتراض عائد کیا تھا۔ جے آئی ٹی نے پہلے اعتراض عائد ہونے پر رپورٹ کل صبح جمع کرانے کا کہا تھا۔
دوسری جانب رپورٹ کے مطابق ازخود نوٹس کیس میں ارشد شریف کےقتل کی تحقیقات کیلئےاسپیشل جے آئی ٹی 15 جنوری کو کینیا جائے گی۔ اسپیشل جےآئی ٹی کینیا سےارشدشریف قتل کے شواہد جمع کرے گی۔
اسپیشل جے آئی ٹی کینیاسےارشدشریف کی پوسٹ مارٹم رپورٹ حاصل کرے گی۔ کینیا سے پوسٹ مارٹم رپورٹ ملتےہی سپریم کورٹ میں جمع کرا دی جائے گی۔
رجسٹرار آفس نے ارشد شریف پوسٹ مارٹم رپورٹ کی کاپی ناقابل قبول قرار دی تھی۔
Comments
- Advertisement -