The news is by your side.

Advertisement

حکومت کا ہوٹلز،پارکس کھولنے کا فیصلہ، مارکیٹوں کے پرانے اوقات کار بحال

اسلام آباد: وفاقی وزیر برائے منصوبہ بندی اسد عمر کا کہنا ہے کہ تمام کاروبار پر اوقات کار کی پابندی ختم کی جارہی ہے، مارکیٹس اور بازار ہفتے میں‌ ایک دن بند رہیں‌ گے.

اے آر وائی نیوز کی رپورٹ کے مطابق وفاقی وزیر اسد عمر نے میڈیا سے گفتگو کرتے ہوئے کہا کہ 14 اگست کی مناسبت سے ایس او پیز تیار کیے جارہے ہیں، کوروناوباکےحوالے سےکافی بہتری سامنےآئی ہے، کرونا کے خلاف جنگ میں پاکستان کی کامیابی کو دنیا مان رہی ہے.

اسد عمر نے کہا کہ ایران میں وبا کی دوسری لہر جاری ہے،ہلاکتیں سامنےآرہی ہیں،ایران میں نئی کورونالہرسےمتاثرین کی تعدادپہلےسےکہیں زیادہ ہے.

انہوں‌ نے کہا کہ 15 ستمبر سے تعلیمی ادارے کھولے جائیں‌ گے، 7 ستمبر کو آخری ریویو کریں‌ گے، معاشی صورتحال کی بہتری کے لیے اہم فیصلے کیے گئے ہیں، ایس او پیز کے تحت ریسٹورنٹس اور ہوٹل کھولنے کی اجازت دی جائے گی.

اسد عمر نے کہا کہ سیاحتی مقامات کےریسٹورنٹس،ہوٹلز8اگست سےکھول دینگے، سینما،تھیٹر،پبلک پارکس،میوزیم کوبھی10اگست سے کھول دیاجائیگا.

وفاقی وزیر نے کہا کہ کبڈی،ریسلنگ سمیت جسمانی ٹکراؤوالے کھیلوں پر پابندی برقرار رہے گی، جسمانی ٹکراؤکےعلاوہ دیگرکھیلوں کےانعقاد کی اجازت دی جارہی ہے، کھیلوں کی اجازت بغیر تماشائیوں کے دی جائے گی.

انہوں‌ نے کہا کہ ٹرین،ہوائی جہاز کوتمام اسٹیشنزپرجانےکی اجازت دی جارہی ہے،30ستمبرتک ٹرین،ہوائی جہاز میں سفرکےایس اوپیزبرقرار رہیں گے.

اسدعمرنے کہا کہ این سی سی نے 15ستمبر سے شادی ہالز کھولنے کا فیصلہ کیا ہے، بیوٹی پارلرز بھی 10اگست سے کھولنےکی اجازت دی گئی ہے،مزار اور درگاہیں کھول رہےہیں ،عرس کیلئے مقامی انتظامیہ کی اجازت درکارہوگی.

انہوں‌ نے کہا کہ ڈبل سواری کی بھی اجازت دےدی گئی ہے، روڈ ٹرانسپورٹ بھی کھولنے جارہےہیں، 7ستمبر کو اسکولز کھولنے کا حتمی جائزہ لیاجائےگا،اٹرانسپورٹ سیکٹر کومکمل طور پر فعال کیاجارہاہے.

Comments

یہ بھی پڑھیں