ممبئی: بالی ووڈ کی معروف اداکارہ اتھیا شیٹی نے کے ایل راہول کی سالگرہ کے موقع پر خوبصورت پیغام دیا ہے۔
فوٹو اینڈ شیئرنگ ایپ انسٹاگرام پر اداکارہ اتھیا شیٹی نے بھارتی کھلاڑی کے ایل راہول کو ان کی سالگرہ پر پیار کا اظہار کیا، اداکار نے اس موقع پر شوہر کے ساتھ کچھ ان دیکھی، رومانوی تصاویر بھی شیئر کیں۔
اتھیا شیٹی نے کیپشن میں لکھا کہ ’’میری پوری زندگی کے لیے میرا پورا دل… سالگرہ مبارک، میرا سب کچھ، ریڈ ہارٹ ایموجی کے ساتھ‘‘۔
View this post on Instagram
فلمساز کرن جوہر نے ان کی پوسٹ پر تبصرہ کرتے ہوئے بھارتی کھلاڑی کے ایل راہول کو سالگرہ مبارک کہا جبکہ دیگر صارفین کی جانب سے بھی دسالگرہ کی مبارکباد دینے کا سلسلہ جاری ہے۔
دوسری جانب انسٹاگرام ہینڈل پر منفرد تصویر شیئر کرتے ہوئے اداکار سنیل شیٹی نے اپنے داماد کو سالگرہ کی مبارکباد پیش کی اور ساتھ ہی ان سے اپنی محبت کا اظہار بھی کیا۔
View this post on Instagram
اداکار نے داماد کو خاص دن کی مبارکباد دیتے ہوئے کہا کہ ’آپ کو ہمارے ساتھ پا کر خوشی محسوس کر رہا ہوں کیونکہ یہ ایک ایسا تعلق ہے جس کی میں وضاحت نہیں کر سکتا۔سالگرہ مبارک راہول تم سے بہت پیار کرتا ہوں بیٹا ‘۔
یاد رہے کہ سنیل شیٹی کی بیٹی آتھیا شیٹی اور کے ایل راہول تقریباً چار سال تک ڈیٹنگ کے بعد 23 جنوری 2023 کو شادی کے بندھن میں بندھے تھے۔