آسٹریلیا نے دوسرے ون ڈے میں بھارت کو آؤٹ کلاس کرتے ہوئے سیریز میں شاندار کم بیک کیا ہے۔
کینگروز نے پلٹ کر وار کرتے ہوئے بھارت سے شکست کا بدلہ لے لیا۔ مچل اسٹارک کی تباہ کن بولنگ کی بدولت بھارت کو صرف 117 رنز پر آل آؤٹ کرنے کے بعد بغیر کوئی وکٹ گنوائے مطلوبہ ہدف 10 وکٹوں پر حاصل کر لیا۔
مچل اسٹارک نے 8 اوورز میں 5 وکٹیں لے کر بھارتی بیٹنگ لائن کو تہس نہس کیا جب کہ سین ایبٹ نے 3 اور نیتھن ایلس نے 2 وکٹیں لے کر بھارت کو 117 تک محدود کیا۔
روہت شرما 13، ویرات کوہلی 31 اور اشرا پٹیل نے 29 رنز کی باری کھیلی۔ بھارت کے 4 بلے باز صفر پر آؤٹ ہوئے۔
ہدف کے تعاقب میں کینگروز بلے بازوں نے جارحانہ انداز اپنایا اور صرف 11 اوورز میں میچ کو پار لگا دیا۔ مچل مارش نے 66 اور ٹریوس ہیڈ نے 51 رنز کی ناقابل شکست اننگز کھیلی۔
Comments
- Advertisement -