اینابیل سدرلینڈ نے تاریخی کارنامہ انجام دیتے ہوئے جنوبی افریقی خواتین ٹیم کے خلاف ٹیسٹ میچ میں ڈبل سنچری جڑدی۔
آسٹریلیا اور جنوبی افریقہ کے درمیان ویمنز ٹیسٹ میچ اینا بیل نے ناقابل یقین کارکردگی دکھاتے ہوئے ڈبل سنچری بنائی اور تمام ریکارڈ توڑ ڈالے۔ 22 سالہ نوجوان خاتون نے 256 گیندوں پر 210 رنز کی عمدہ اننگز تراشی
ان کی اننگز سے تقویت پار کر آسٹریلوی ویمنز ٹیم نے اسکور بورڈ پر 9 وکٹوں کے نقصان پر 575 رنز کا مجموعہ سجانے کے بعد اننگز ڈکلیئر کردی۔
خواتین کے ٹیسٹ کرکٹ کی تاریخ میں سدرلینڈ کی جانب سے بنائی گئی ڈبل سنچری چوتھا سب سے بڑا اسکور اور اب تک کی تیز ترین ڈبل سنچری ہے۔
پاکستان کی کرن بلوچ کے پاس خواتین کی ٹیسٹ کرکٹ میں سب سے زیادہ اسکور کرنے کا عالمی ریکارڈ ہے، انھوں نے 2004 میں ویسٹ انڈیز کے خلاف 242 بنائے تھے۔
سدرلینڈ سے زیادہ اسکور کرنے والوں میں بھارت کی متھالی راج (214) اور آسٹریلیا کی ایلیسی پیری (213 ناٹ آؤٹ) ہیں۔
سدرلینڈ ایک ٹیسٹ میچ میں ڈبل سنچری بنانے والی سب سے کم عمر آسٹریلوی خاتون بھی بن گئیں۔ وہ لیجنڈری سر ڈونلڈ بریڈمین کے بعد مجموعی طور پر دوسری کم عمر ترین کرکٹر بن گئیں۔
Nailed!
A special moment for Annabel Sutherland who brings up her double century – with the final ball before tea! #AUSvSA pic.twitter.com/4smkkycMQe
— cricket.com.au (@cricketcomau) February 16, 2024
بریڈمین نے 21 سال اور 304 دن کی عمر میں 1930 میں انگلینڈ کے خلاف اپنی پہلا ڈبل سنچری بناتے ہوئے 254 رنز اسکور کیے تھے۔
سدرلینڈ نے کہا کہ میں ساتھی پلیئر ایلیسی پیری کے لیے بہت خوش ہوں کہ آسٹریلیا کی جانب سے زیادہ رنز بنانے کا ریکارڈ ان کے پاس رہا وہ اس کی مستحق ہیں۔ وہ ایک ناقابل یقین کھلاڑی ہیں، اور اس سے بھی بہتر انسان ہیں۔
واضح رہے کہ آسٹریلیا کا 575 کا مجموعی اسکور خواتین کی ٹیسٹ کرکٹ میں اب تک کا سب سے بڑا اسکور ہے، اس سے قبل آسٹریلوی ٹیم نے 1998 میں انگلینڈ کے 6 وکٹوں کے نقصان پر569 بنائے تھے۔
