آئی سی سی ٹی 20 ورلڈ کپ میں انگلینڈ کے خلاف میچ سے قبل آسٹریلوی کے وکٹ کیپر میتھیو ویڈ کو کورونا ٹیسٹ مثبت آگیا۔
آسٹریلوی میڈیا رپورٹس کے مطابق وکٹ کیپر بیٹر میتھیو ویڈ نے کووڈ پازیٹو ہونے کے باوجود انگلینڈ کے خلاف میچ کھیلنے کے امکانات ہیں۔
ٹیم کے ترجمان نے بتایا کہ 34 سالہ ویڈ کا کورونا ٹیسٹ بدھ کے روز مثبت آیا اور انہیں کورونا کی علامات کم ہیں۔
جب ویڈ کے انگلینڈ کے خلاف میچ میں شرکت سے متعلق سوال کیا گیا تو ترجمان نے ہاں میں جواب دیا۔
واضح رہے کہ آسٹریلیا کے پاس اسکواڈ میں کوئی بیک اپ وکٹ کیپر نہیں ہے لیکن آل راؤنڈر گلین میکسویل نے گزشتہ روز تربیتی سیشن کے دوران وکٹ کیپنگ پریکٹس کی تھی۔
اس سے قبل آسٹریلیا کے اسپنر ایڈم زمپا بھی کووڈ 19 کا شکار ہوئے تھے جو اب صحت یاب ہوچکے ہیں۔
یاد رہے کہ آئی سی سی ٹوئنٹی ورلڈکپ میں قوانین مثبت ٹیسٹ آنے والے کرکٹر کو کھیلنے کی اجازت دیتے ہیں۔
خیال رہے کہ آئی سی سی ٹی 20 ورلڈ کپ میں انگلینڈ اور آسٹریلیا کی ٹیمیں کل مدمقابل آئیں گی۔