ہالی وڈ کو ٹائی ٹینک اور اواتار جیسی کامیاب فلمیں دینے والے ڈائریکٹر جیمز کیمرون نے اپنی نئی فلم سے متعلق کیا کہا؟
میڈیا رپورٹ کے مطابق ہالی وڈ میں آج کل اواتار دی وے آف واٹر کا چرچہ ہے، جسے جیمز کیمرون نے ڈائریکٹ کیا، فلم 14 روز کے دوران ایک ارب ڈالرز یعنی 2 کھرب پاکستانی روپے سے زائد کمانے میں کامیاب ہوچکی ہے، اسی کے ساتھ ہی وہ ٹاپ گن میورک اور جراسک ورلڈ 3 کے بعد رواں سال ایک ارب ڈالرز کا بزنس کرنے والی تیسری فلم بن گئی۔
چودہ روز میں 1 کھرب ڈالرز کا بزنس کرنے کے باوجود جیمز کیمرون کا کہنا ہے کہ ایک ارب ڈالرز کا بزنس بھی اواتار دی وے آف واٹر کو سپرہٹ ثابت نہیں کرتا۔
ایک انٹرویو کے دوران انہوں نے کہا کہ جب جیمز کیمرون سے پوچھا گیا کہ کتنے بزنس کے بعد اواتار 2 سے مالی نقصان نہیں ہوگا تو ان کا کہنا تھا کہ اسے سب سے زیادہ بزنس کرنے والی تیسری یا چوتھی فلم ہونا چاہیے، جس کے بعد ہم کہہ سکیں گے کہ کوئی نقصان نہیں ہوا۔
یہ بھی پڑھیں: جیمز کیمرون کا اواتار سیریز کو 3 فلموں کے بعد ختم کرنے کا فیصلہ
تجزیہ کاروں کے مطابق کامیاب بزنس کرنے کے لئے اواتار 2 کو اسٹار وارز دی فورس اویکن یا ایوینجرز انفٹنی وار کو پیچھے چھوڑنا ہوگا جو کہ ناممکن محسوس ہوتا ہے،البتہ جیمز کیمرون کی یہ فلم ٹاپ گن میورک کو پیچھے چھوڑ کر دو ہزار بائیس میں سب سے زیادہ بزنس کرنے والی فلم ضرور بن سکتی ہے۔
یاد رہے کہ 2009 میں ریلیز ہونے والی فلم اواتار نے 2.97 ارب ڈالرز کا بزنس کیا تھا۔
خیال رہے کہ اواتار 2 کو دنیا بھر میں 16 دسمبر کو ریلیز کیا گیا تھا۔
