اسلام آباد : ایون فیلڈ ریفرنس میں مسلم لیگ ن کے قائد کے صاحبزادوں حسین نوازاورحسن نوازکےوارنٹ گرفتاری معطل کرنے کی درخواست دائر کردی گئی۔
تفصیلات کے مطابق احتساب عدالت میں ایون فیلڈ ریفرنس میں مسلم لیگ ن کے قائد کے صاحبزادوں حسین نوازاورحسن نوازکےوارنٹ گرفتاری معطل کرنے کی درخواست دائر کردی گئی۔
وکیل درخواست گزار نے بتایا کہ 12مارچ کو حسن اور حسین نواز نے پاکستان آنا ہے ،فلیگ شپ ریفرنس میں نیب نے اپیل واپس لے لی تھی اور العزیزیہ ریفرنس میں دیگر ملزمان بری ہوچکے ہیں۔
جس پر جج ناصرجاویدرانا نے کہا اس درخواست پرنوٹس کردیتےہیں، جس پر وکیل درخواست گزار نے استدعا کی کہ کل کیلئےنوٹس کردیں لاہور سے آنا ہوتا ہے تو عدالت نے تفتیشی افسر کو کل کیلئے نوٹس جاری کردیئے۔
خیال رہے ایون فیلڈ یفرنس میں سابق وزیراعظم نوازشریف، مریم نواز، حسن اورحسین نوازکے علاوہ کیپٹن ریٹائرڈ صفدرملزم نامزد تھے، تاہم عدالت نےعدم حاضری کی بنا پر نواز شریف کے صاحبزادے حسن اور حسین نواز کو اشتہاری قرار دیا تھا۔