پاکستانی اداکارہ عائزہ خان اور دانش تیمور متحدہ عرب امارات کی دلکش فضاؤں میں چھٹیاں گزار رہے ہیں جس کی تصاویر نے سوشل میڈیا پر دھوم مچادی ہے۔
فوٹو اینڈ شیئرنگ ایپ انسٹاگرام پر انسٹاگرام پر عائزہ خان نے تصاویر شیئر کی ہے جس میں انہیں دبئی میں اپنی فیملی کے ہمراہ چھٹیاں گزارتے ہوئے دیکھا جاسکتا ہے۔
View this post on Instagram
دونوں اداکار کئی سالوں سے انڈسٹری میں کام کر رہے ہیں، دبئی میں دونوں اپنے بچوں کے ساتھ چھٹیوں پر ہیں، عائزہ خان اور دانش تیمور نے ہوٹل اٹلانٹس، دی پام سے شاندار تصاویر شیئر کی ہیں۔
عائزہ خان نے چند گھنٹوں قبل یہ تصاویر شیئر کیں جسے ہزاروں کی تعداد میں مداح دیکھ چکے ہیں اور اس پر تعریفی کمنٹس بھی کررہے ہیں۔
View this post on Instagram
اداکارہ سوشل میڈیا پر کافی متحرک رہتی ہیں اور گاہے بگاہے اپنی تصاویر شیئر کرتی رہتی ہیں جسے ان کے مداح بھی پسند کرتے ہیں۔
واضح رہے کہ عائزہ خان اور دانش کو ان کی شاندار اداکاری کی مہارت کے لیے سراہا جاتا ہے، ان کی شادی 2014 میں ہوئی، جوڑے کے دو بچے ہیں جس میں ایک بیٹی حورین اور ایک بیٹا ریان ہے۔
View this post on Instagram
عائزہ خان فی الحال اے آر وائی ڈیجیٹل کے ڈرامہ سیریل ’میں‘ اور ’جان جہاں‘ میں نظر آ رہی ہیں، عائزہ خان اس ڈرامہ سیریل میں ’ماہ نور‘ کا کردار نبھا رہی ہیں جس کی مرکزی کاسٹ میں حمزہ علی عباسی شامل ہیں۔
اس کے علاوہ عائزہ خان ڈرامہ سیریل ’میں‘ میں مبشرہ جعفر کا منفی کردار نبھا رہی ہیں جس میں ان کے ہمراہ مرکزی کردار میں وہاج علی موجود ہیں۔
