ایوب اسپورٹس کمپلیکس کی بجلی منقطع، نیشنل گیمز کے ایونٹس متاثر

کوئٹہ: صوبہ بلوچستان کے دارالحکومت کوئٹہ میں ایوب اسپورٹس کمپلیکس کی بجلی منقطع کردی گئی، واجبات کی عدم ادائیگی بجلی منقطع کرنے کا سبب بنی۔

تفصیلات کے مطابق صوبائی محکمہ کھیل کی جانب سے واجبات کی عدم ادائیگی پر کوئٹہ کے ایوب اسپورٹس کمپلیکس کی بجلی منقطع کردی گئی۔

بجلی کی سپلائی معطل ہونے پر نیشنل گیمز کے کئی ایونٹس متاثر ہوگئے۔

ذرائع کا کہنا ہے کہ محکمہ کھیل کے ذمے کوئٹہ الیکٹرک سپلائی کمپنی (کیسکو) کے 39 لاکھ 14 ہزار 423 روپے کے واجبات ہیں۔

دوسری جانب ڈی جی اسپورٹس کا کہنا ہے کہ کیسکو کو ادائیگی کردی گئی ہے، 20 منٹ میں بجلی بحال ہوجائے گی، انہوں نے کہا کہ کیسکو حکام دوبارہ بجلی کا کنکشن لگا رہے ہیں۔

Comments