واشنگٹن: وزیر قانون اعظم نذیر تارڑ نے کہا ہے کہ حکومت نے اوورسیز پاکستانیوں کے خلاف کوئی لسٹ نہیں بنائی یہ سب افواہیں ہے۔
اے آر وائی نیوز کے مطابق وزیر قانون اعظم نذیر تارڑ نے کیپیٹل ہل میں پاکستانی کمیونٹی رہنماؤں سے ملاقات کی جہاں انہون نے کہا کہ سمندر پارپاکستانی ملک کا بیش قیمتی اثاثہ ہیں۔
وزیر قانون اعظم نذیرتارڑ نے کہا کہ دیارِ غیر میں ریاستی مفادات کو سیاسی وابستگیوں پر فوقیت نہیں دی جائے گی، کسی بھی فرد یا جماعت کے خلاف انتقامی کارروائی نہیں کرنے جارہے۔
انہوں نے کہا کہ سانحہ 9 مئی کے واقعات پر کسی بھی اوور سیز پاکستانیوں کے خلاف کوئی بھی کارروائی نہیں کرنے جارہے، موجودہ حکومت نے کوئی لسٹ تیار نہیں کی یہ سب افواہیں ہیں۔
وزیر قانون کا یہ بھی کہنا تھا کہ کوئی معاشرہ قابل فخر اداروں اور شہدا پر حملہ برداشت نہیں کرسکتا، قانون ہاتھ میں لینے والوں کے خلاف ملکی قوانین کت مطابق کارروائی کی جائے گی۔
وزیر قانون اعظم نذیر تارڑ کے ہمراہ پاکستانی نژادری پبلکن رہنما ساجد تارڑ اور سفیر مسعود خان بھی موجود تھے، وزیر قانون اعظم تارڑ نے کیپیٹل ہل میں امریکی محکمہ خارجہ کے سینئر اہلکاوں سے بھی ملاقات کی۔
