پاکستان کرکٹ بورڈ کے سابق چیف سلیکٹر محمد وسیم بابر اعظم کی کپتانی چھوڑنے کے بعد ان کی حمایت کرتے ہوئے ان کے حق میں بیان جاری کیا ہے.
ورلڈکپ میں پاکستان ٹیم کی بدترین کاکردگی کے بعد پاکستانی کپتان بابر اعظم پر سخت تنقید کی جارہی تھی جس کے بعد انھوں نے آج تینوں فارمیٹ کی کپتانی سے دستبردا ہونے کا فیصلہ کیا ہے۔
بابر کے استعفیٰ دینے کے بعد سابق کرکٹر محمد وسیم کا کہنا ہے کہ پی سی بی کو ان کا خیال رکھنا چاہیے، سوشل میڈیا پلیٹ فارم پر اپنی ٹوئنٹ میں انھوں نے لکھا کہ ’اگر ہم بابر کی کپتانی کا نقصان برداشت کر سکتے ہیں تو بھی پی سی بی کی اولین ترجیح یہ ہونی چاہیے کہ ان کی حفاظت کی جائے‘۔
انھوں نے مزید لکھا کہ ’بطور بیٹر بابر اعظم کی قابلیت بے مثال ہے اور وہ پاکستانی کرکٹ کا قیمتی اثاثہ ہیں۔ پاکستان میں سامنے آنے والے بہترین بیٹرز میں سے ایک ہیں۔
Even if we can bear the loss of Babar's captaincy, safeguarding him should be PCB's top priority. His brilliance as a batsman is unmatched and a valuable asset to Pakistani cricket. Easily one of the best Batsman Pakistan has ever produced #BabarAzam #PCB
— Muhammad Wasim (@MuhammadWasim77) November 15, 2023
واضح رہے کہ قومی ٹیم کے کپتان بابر اعظم نے تینوں فارمیٹ کی کپتانی چھوڑنے کا اعلان کردیا ہے۔
سماجی رابطے کی ویب سائٹ ایکس (ٹوئٹر) پر قومی کرکٹر بابر اعظم نے تینوں فارمیٹ کی کپتانی چھوڑنے کا اعلان کرتے ہوئے لکھا کہ تمام فارمیٹ کی کپتانی سے دستبردار ہورہا ہوں۔
انہوں نے کہا کہ فیصلہ کرنا مشکل تھا لیکن یہی درست وقت ہے۔ بابر اعظم نے لکھا کہ پاکستان کے لیے تینوں فارمیٹ بطور کھلاڑی کھیلتا رہوں گا، پی سی بی نے جو مواقع دیے اس کا شکریہ ادا کرتا ہوں۔