سابق اسپیڈ اسٹار شعیب اختر نے پیشگوئی کی ہے کہ بابراعظم بھارتی بلے باز ویرات کوہلی سے زیادہ انٹرنیشنل سنچریاں بنا لیں گے۔
ایک انٹرویو میں راولپنڈی ایکسپریس نے جب یہ بیان دیا تو بھارتی شائقین کرکٹ سیخ پا ہو گئے اور اس موازنے پر کڑی تنقید کرتے رہے۔
شعیب اختر نے کہا کہ بابراعظم اپنے کیریئر کے اختتام پر ویرات کوہلی سے زیادہ انٹرنیشنل سنچریاں بنا چکے ہوں گے۔
ویرات کوہلی اور بابر اعظم دونوں اپنے اپنے ملک کے لیے دو عظیم کھلاڑی ہیں اور دونوں کو اپنے ملک کی کرکٹ ٹیم کا بادشاہ کہا جاتا ہے۔ دونوں اپنی ٹیم کی کامیابی میں اہم کردار ادا کرت ہیں۔
ویرات کوہلی اب 34 سال کے ہیں اور ممکنہ طور پر ان کی صرف دو سال کی کرکٹ باقی ہے جب کہ بابر اعظم ابھی 28 سال کے ہیں اور ان کے آگے کیریئر کی ایک دہائی باقی ہے۔ ویرات کوہلی کی 75 بین الاقوامی سنچریاں ہیں جب کہ بابر اعظم کے نام اس وقت 28 بین الاقوامی سنچریاں ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں