کوئٹہ: بلوچستان ہائیکورٹ نے پی ٹی آئی کے چیئرمین اور سابق وزیر اعظم عمران خان کیخلاف درج مقدمے پر وارنٹ گرفتاری 2 ہفتے کیلئے معطل کردی۔
بلوچستان ہائیکورٹ کے جسٹس ظہیر الدین نے درخواست پر مختصر سماعت کی اور عمران خان کےخلاف درج مقدمہ ختم کرنے کی درخواست سماعت کے لیے مقرر کرتے ہوئے چیئرمین تحریک انصاف کے ناقابل ضمانت وارنٹ گرفتاری دو ہفتوں کے لیے معطل کردیے۔
یہ بھی پڑھیں: عمران خان کے وارنٹ گرفتاری لیکر کوئٹہ کی پولیس ٹیم لاہور پہنچ گئی
عدالت نے عران خان کی وارنٹ گرفتاری معطل کرتے ہوئے آئی جی پولیس، ڈی آئی جی، ایس پی لیگل، ایس ایچ او کو نوٹسز جاری کر دیئے ساتھ ہی عمران خان کیخلاف مقدمہ درج کرانے والے مدعیت خلیل کاکڑ کو بھی نوٹس جاری کیا ہے۔
جسٹس ظہیر الدین کاکڑ نے کیس کی سماعت دو ہفتوں تک ملتوی کر دی۔
واضح رہےکہ کوئٹہ کی عدالت نے گزشتہ روز اداروں کے خلاف ہرزہ سرائی کے کیس میں عمران خان کے ناقابل ضمانت وارنٹ گرفتاری جاری کیے تھے جس کے لیے کوئٹہ پولیس آج لاہور پہنچی تھی۔
