فلسطینی نژاد امریکی سپر ماڈل بیلا حدید نے سوشل میڈیا پر فلسطینیوں کے حق میں ایک بار پھر پوسٹ کی ہے۔
فوٹو اینڈ شیئرنگ ایپ انسٹاگرام پر فلسطینی نژاد امریکی سپر ماڈل بیلا حدید نے ویلنٹائن ڈے پر مبنی کیپشن کے ساتھ دل کی شکل والی کینڈی کی ایک تصویر شیئر کی ہے۔
امریکی ماڈل کی جانب سے شیئر کردہ تصویر میں لکھا ہے کہ ’’ کیا تم میرے فلسطین کو آزار کرو گے‘‘ ساتھ ہی انہوں نے کیپشن میں فری فلسطین کے ہیش ٹیگ کا استعمال کیا ہے۔
View this post on Instagram
امریکی ماڈل بیلا حدید نے چند گھنٹے قبل یہ پوسٹ شیئر کی ہے جسے 1.3 ملین سے زیادہ لوگوں نے پسند کیا ہے اور ماڈل کے پیغام کو مزید آگے بڑھا رہے ہیں۔
واضح رہے کہ بیلا حدید اگرچہ امریکا میں پیدا ہوئیں اور وہیں پلی بڑھیں مگر ان کے والد محمد حدید فلسطین میں پیدا ہوئے تھے اور وہ کئی دہائیاں قبل امریکا منتقل ہوگئے تھے۔
View this post on Instagram
بیلا اور ان کی بہن جی جی حدید کا شمار دنیا کی بااثر اور نامور ترین ماڈلز میں ہوتا ہے اور وہ شروع سے ہی آزاد فلسطین کی حامی ہیں، وہ ماضی میں بھی اپنے آبائی وطن پر صیہونی حملوں کے خلاف آواز اٹھاتی رہی ہیں۔
اسرائیل کی جانب سے فلسطینیوں پر حالیہ حملوں کے بعد دونوں بہنیں جی جی حدید اور بیلا حدید صیہونی مظالم کے خلاف متحرک ہیں اور وہ وقتاً فوقتاً سوشل میڈیا پر آزاد فلسطین کے حق میں پوسٹ کرتی رہتی ہیں۔
