زمین پر پائی جانے والی ہر سبزی اور پھل اپنے اندر بے شمار خصوصیات اور فوائد رکھتا ہے اور انسانی جسم کے لیے نہایت فائدہ مند ہے، انہی میں سے ایک میتھی ہے جس کا باقاعدہ استعمال بہت سے فوائد پہنچا سکتا ہے۔
میتھی میں موجود اینٹی آکسیڈنٹ اور فائبر جسم سے زہریلے مادوں کو خارج کرنے اور کولیسٹرول کو کنٹرول کرنے میں مددگار ہے، میتھی دانہ اور اس کے پتے دونوں ہی طبی لحاظ سے مفید ہیں۔
میتھی کے فوائد درج ذیل ہیں:
ذیابیطس سے نجات
میتھی دانہ میٹا بولک بیماریوں جیسا ذیابیطس کے مرض کو کنٹرول کرنے میں مددگار ثابت ہو سکتا ہے، میتھی دانہ ذیابیطس ٹائپ ون اور ٹائپ ٹو دونوں کے لیے مفید ہے۔
وزن کم کرنے میں مددگار
میتھی دانہ میں فائدہ مند فائبر پایا جاتا ہے جس کی وجہ سے بھوک کی شدت میں کمی آتی ہے، اس کا باقاعدہ استعمال وزن کم کرنے میں مددگار ہوتا ہے۔
صحت مند بالوں کے لیے
خوبصورت اور گھنے بالوں کے لیے میتھی دانے سے تیار کیا گیا ماسک بالوں پر لگانا مفید ہوتا ہے۔
ہاضمے کے لیے مفید
میتھی دانہ کے بیج استعمال کرنے سے آنتوں کی حرکت میں اضافہ ہوتا ہے، جس سے ہاضمہ کے مسائل میں کمی آتی ہے۔
صحت مند جلد کے لیے
میتھی دانہ فری ریڈیکلز سے پہنچنے والے نقصانات سے بچاتے ہیں جو جلد پر سیاہ دھبوں اور جھریوں کا باعث بنتے ہیں، اس کے علاوہ میتھی دانہ کے استعمال سے جلد کے دانوں کا بھی خاتمہ ہوتا ہے۔
ورم کش خصوصیات کا حامل
میتھی دانہ میں ورم کش خصوصیات پائی جاتی ہیں جو مؤثر طریقے سے جسمانی ورم میں کمی لاتی ہیں۔
غذائی اجزا سے بھرپور
میتھی دانہ میں فائبر، پروٹین، کاربوہائیڈریٹ، آئرن اور میگنیشیئم شامل ہے، یہ تمام غذائی اجزا صحت کی بہتری میں اہم کردار ادا کرتے ہیں۔
بلڈ پریشر کی سطح میں کمی
بلڈ پریشر کے مرض میں میتھی دانے کا استعمال بلڈ پریشر کی سطح کو کنٹرول کر سکتا ہے، اس کے علاوہ میتھی دانہ کولیسٹرول کی سطح کو بھی کنٹرول کرتا ہے۔
