اگر آپ فاسٹ فوڈ کھانے کے شوقین ہیں تو یہ عادت آپ کی صحت کے لیے تباہ کن ثابت ہوسکتی ہے۔
فاسٹ فوڈ کھانے میں جتنے مزیدار ہوتے ہیں یہ اتنا ہی صحت کو متاثر کرتے ہیں جس کا نتیجہ جسم میں کیلوریز کے اضافے کی صورت میں نظر آتا ہے۔
جسم میں کیلوریز بڑھنے کا مقصد آپکے وزن میں اضافہ ہورہا ہے جس کے باعث انسانی جسم کی خوبصورتی کم ہونے لگتی ہے۔
مگر فکر نہ کریں ہم آپ کو چند ایسے کھیل بتانے جارہے ہیں جن کی مدد سے آپ باآسانی اپنا وزن کم کرسکتے ہیں۔
تیراکی
تیراکی کرنا ایک بہترین جسمانی سرگرمی ہے اور ماہرین صحت مند رہنے کے لیے مختلف جسمانی ورزشوں کے ساتھ تیراکی کرنے پر بھی زور دیتے ہیں۔
تیراکی آپ کے جسم سے کیلوریز کو بھی ختم کرتی ہے، ایک اندازے کے مطابق ایک گھنٹہ تیراکی کرنے سے 500 سے 800 کیلوریز کم ہوتی ہیں۔
سائیکلنگ
سائیکل چلانا ایک بہترین ورزش ہے اور ماہرین طب صحت مند رہنے کیلئے سائیکل چلانے کی ورزش پر زور دیتے ہیں کیونکہ سائیکل چلانے سے 670 سے 1000 کیلوریز جسم سے جل جاتی ہیں۔
اسی طرح دوڑنے یا جوگنگ کرنے سے بھی کیلوریز کو کم کیا جاسکتا ہے۔
فٹبال کھیلنا
فٹبال وہ کھیل ہے جس کا جنون دنیا بھر میں پایا جاتا ہے لیکن کیا آپ کو معلوم ہے، فٹبال کھیلنے سے آپ 600 سے 900 کیلوریز کو ختم کرسکتے ہیں۔
باسکٹ بال
دنیا بھر میں باسکٹ بال ایک مقبول کھیل ہے لیکن کیا آپ جانتے ہیں کہ یہ کھیل ایک گھنٹہ کھیلنے سے آپ کے جسم کی 496 سے 687 کیلوریز جل جاتی ہے یہی نہیں باسکٹ بال کھیلنے سے انسان کا قد بھی لمبا ہوتا ہے اور جسم بھی نہیں پھیلتا۔
