واشنگٹن: امریکی صدر جو بائیڈن کا کتا وائٹ ہاؤس سے باہر نکال دیا گیا ہے۔
امریکی میڈیا رپورٹس کے مطابق صدر بائیڈن کے کتے کو وائٹ ہاؤس سے باہر نکال دیا گیا ہے، کمانڈر نامی کتے نے متعدد بار سیکریٹ ایجنٹوں کو نشانہ بنا کر کاٹا۔
سیکریٹ سروس ایجنٹس کو کاٹنے کی وجہ سے آخر کار صدر بائیڈن کے کتے کو وائٹ ہاؤس بدر کر دیا گیا، وائٹ ہاؤس حکام نے اس کی تصدیق بھی کر دی ہے۔
BREAKING: Joe Biden's dog ‘Commander’ has been removed from the White House after multiple biting incidents, including one caught on camera pic.twitter.com/6l5l7lELq2
— Benny Johnson (@bennyjohnson) October 5, 2023
وائٹ ہاؤس حکام کے مطابق کمانڈر نامی کتے کو فی الحال وائٹ ہاؤس سے دور رکھا گیا ہے، اور اس سلسلے میں اگلے اقدامات کا جائزہ لیا جا رہا ہے۔
دو سالہ جرمن شیفرڈ نے اکتوبر 2022 سے جنوری 2023 کے درمیان امریکی خفیہ سروس کے ارکان پر 10 بار حملہ کیا، اور حال ہی میں ایک خاتون افسر کو کاٹا جسے طبی علاج فراہم کرنی پڑی۔
Biden's dog Commander removed from White House, after multiple biting incidents and aggressive behavior.
(Video filmed in April 2023 during visit of Philippine President Marcos at the White House) pic.twitter.com/qTWosbmxhq
— Oliya Scootercaster (@ScooterCasterNY) October 5, 2023
یہ کتا جو بائیڈن کو ان کے بھائی جیمز نے دسمبر 2021 میں تحفے میں دیا تھا، یہ نہیں بتایا گیا ہے کہ اسے اب کہاں رکھا گیا ہے، تاہم امریکی صدر کی اہلیہ جل بائیڈن کی ترجمان الزبتھ الیگزینڈر کے مطابق سیکرٹ سروس نے اس دوران بہت صبر اور تحمل کا مظاہرہ کیا اور کتے کے مسائل کے حل کی کوششیں کیں، انھوں نے یہ بھی کہا کہ شاید پالتو جانور وائٹ ہاؤس کے ماحول میں ذہنی دباؤ محسوس کرتے ہیں۔
کمانڈر نامی یہ کتا وائٹ ہاؤس میں بائیڈنز کے کتوں میں سے دوسرا ہے جس نے جارحانہ سلوک کیا ہے۔ اس سے قبل میجر نامی ایک اور جرمن شیفرڈ کو عملے اور سیکرٹ سروس کے افسران کو کاٹنے کے بعد ڈیلاویئر بھیج دیا گیا تھا۔
