بھارت کے سہارنپور میں منعقدہ ایک تقریب کے دوران بی جے پی کے رکن اسمبلی راجیو گمبر الہ آباد میں سیاست دان عتیق احمد اور اس کے بھائی اشرف احمد کے حال ہی ہونے والے قتل کا کریڈٹ لیتے ہوئے نظر آئے ہیں۔
بھارتی میڈیا رپورٹ کے مطابق وائرل ہونے والی بھارت کے سہارنپو کی ہے، جس میں بی جے پی کے رکن قومی اسمبلی گمبر نے ایک تقریب میں تقریر کرتے ہوئے کہا کہ اوپر بھیج دیا نا ہم نے! کیا ہم نے عتیق احمد کو اوپر نہیں بھیجا؟ کیا ہم نے اشرف احمد کو اوپر نہیں بھیجا؟ اب سہارنپور کے غنڈوں کی باری ہے، اس لیے ہمارے امیدوار کو ووٹ دیں۔
"अतीक-अशरफ को ऊपर पहुंचाया है, बाकी गुंडों को भी बाहर निकालना है"
◆ UP के सहारनपुर से BJP विधायक राजीव गुम्बर का बयान
Rajiv Gumber | #RajivGumber | #AtiqueAhmed pic.twitter.com/NhIKW3tgPY
— News24 (@news24tvchannel) April 21, 2023
رپورٹ کے مطابق یہ ویڈیو مبینہ طور پر بدھ کو سہارنپور میں پارٹی کے میئر عہدے کے امیدوار اجے کمار کے انتخابی دفتر کے افتتاح کے موقع پر منعقدہ تقریب کے دوران اس وقت بنائی گئی جب گمبر نے مبینہ طور پر ان ہلاکتوں کو ’یوگی آدتیہ ناتھ حکومت کی بڑی کامیابی‘ قرار دیا۔
پی جے پی رہنما گمبر کے متنازعہ تبصرے سوشل میڈیا پلیٹ فارمز پر بڑے پیمانے پر گردش کر رہے ہیں، اسی ریاست میں بہت سے لوگوں نے اس پر ماورائے عدالت قتل کی ’تسبیح‘ کرنے کا الزام عائد کیا۔
اسی ویڈیو پر بات کرنے کے لیے مقامی رکن اسمبلی کے نمائندے نے کہا کہ گمبر فی الحال بلدیاتی انتخابات کے مصروف شیڈول اور کئی انتظامی میٹنگوں کی وجہ سے کسی تبصرہ کے لیے دستیاب نہیں ہیں۔ جبکہ ایک اخبار کا کہنا ہے کہ ان کی طرف سے گمبر تک پہنچنے کی متعدد کوششوں کے باوجود گمبر نے کال نہیں کی۔
