پشاور : ایف آئی اے سائبر کرائم سرکل پشاور کی ٹیم نے اسلام آباد میں کامیاب کارروائی کرکے جنسی ہراسگی اوربلیک میلنگ میں ملوث ملزم کو گرفتار کرلیا۔
اس حوالے سے ترجمان ایف آئی اے کا کہنا ہے کہ ملزم کاشان ساجد نے شکایت کنندہ کے گھر والوں کی قابل اعتراض تصاویر اور ویڈیوز سوشل میڈیا پر شیئر کیں۔
ایف آئی اے ترجمان کے مطابق ملزم نے شکایت کنندہ کا ای میل، فیس بک اور ٹک ٹاک اکاؤنٹ ہیک کرنے کے بعد تصاویر اور ویڈیوز شکایت کنندہ کے اکاؤنٹس سے حاصل کیں۔
- Advertisement -
ترجمان کا کہنا ہے کہ ملزم نازیبا تصاویر اور ویڈیوز کی آڑ میں شکایت کنندہ کو بلیک میل کر رہا تھا، چھاپے کے دوران ملزم کاشان ساجد سے موبائل فونز، مختلف سمز ،ڈیجیٹل آلات برآمد ہوئے ہیں، ملزم کے خلاف پیکا ایکٹ کے تحت مقدمہ درج کر لیا گیا ہے۔
