آئندہ مالی سال کے بجٹ میں سبسڈی کی مجوزہ تجاویز اےآروائی نیوز نے حاصل کر لیں۔
ذرائع کے مطابق وزارت خزانہ نے وزارت توانائی کو 1ہزار ارب سے زائد کی سبسڈی دینے سے انکار کر دیا۔ آئندہ بجٹ میں وزارت توانائی کیلئے 980 ارب سبسڈی کی مد میں مختص کیے گئے۔
آئی پی پیز کو ادائیگیوں کیلئے 262 ارب کی سبسڈی فراہم کی جائےگی جب کہ کےالیکٹرک کیلئےٹیرف اور ادائیگیوں کیلئے سبسڈی کی مد میں 298 ارب مختص کیے جائیں گے۔
ڈسکوز کیلئے ٹیرف کے باعث سبسڈی کی مد میں 150 ارب مختص کیے جائیں گے۔ آزادکشمیر کیلئے ٹیرف سبسڈی کی مدمیں80 ارب مختص کیےجائیں گے۔
پاور ہولڈنگ پرائیویٹ لمیٹڈ کو قرض ادائیگیوں کیلئے82 ارب مختص کیےجائیں گے۔ بلوچستان میں ٹیوب ویلز کیلئے سبسڈی کی مد میں10 ارب رکھے جائیں گے۔
سابق فاٹامیں بجلی کی سبسڈی کیلئے25 ارب روپےمختص کیےجائیں گے جب کہ کےالیکٹرک کے انڈسٹریل سپورٹ پیکج کی مد میں وفاق7 ارب کی سبسڈی دے گا۔
