کراچی : سول ایوی ایشن اتھارٹی (سی اے اے ) کے ملازمین ائیرپورٹ اتھارٹی بل 2023 میں ترامیم تجویز کردی۔
تفصیلات کے مطابق سول ایوی ایشن (سی اے اے ) ملازمین نے ائیرپورٹ اٹھارٹی بل پر تحفظات کا اظہار کردیا، ملازمین نے ائیرپورٹ اتھارٹی بل 2023 میں ترامیم تجویز کردی۔
مسودے میں کہا گیا کہ سی سی اے ملازمین کو ٹھیکدار یا پرائیوٹ کے کنٹرول میں نہ دیا جائے، نوٹیفکشن سے قبل ملازمین کے ضبط شدہ بونس ادا کیے جائیں اور ملازمین کو روکی گئی پروموشن بھی دی جائیں۔
مسودہ میں کہنا تھا کہ آوٹ سورسنگ سے قبل ملازمین کو وی ایس ایس سے رضاکارانہ علیحدگی آفر کی جائیں اور ائیرپورٹ اثاثوں کے کرایہ اور لیز سے متعلق قوانین واضح کیے جائیں۔
مسودہ کے مطابق سی اے اے قوانین کے مطابق ڈائریکٹر جنرل ائیرپورٹ اتھارٹی ایوی ایشن کے شعبہ سے ہونا لازمی ہے۔
سیکرٹری جیکا شیخ خالد کا کہنا ہے کہ سی اے اے ایمپلائز ایسویشن دس ہزار ملازمین کی معاشی قتل کو روکنے کے لیے یکسو ہے۔
سی اے اے ایمپلائز ایسویشن نے اپنا مسودہ تیار کر لیا، جیکا کے سیکرٹری شیخ خالد نے مسودہ وزرات ہوابازی کو بھجوا دی ہے۔