بیجنگ: چین میں زبردست بارشوں کے بعد ایک سڑک پر بننے والے گہرے گڑھے میں گاڑی گر گئی، جس کی ویڈیو سوشل میڈیا پر وائرل ہو رہی ہے۔
تفصیلات کے مطابق چین کے علاقے ہیلون جیانگ میں ڈوکسوری طوفان نے تباہی مچا دی ہے، ایک علاقے میں طوفان میں پل کا ایک حصہ بھی بہہ گیا جس کے باعث کئی گاڑیاں اس میں گر کر حادثے کا شکار ہو گئیں۔
ایک ویڈیو سامنے آئی ہے جس میں ایک گاڑی کو خوف ناک طور پر گڑھے میں گرتے دیکھا جا سکتا ہے، سڑک پر گڑھا اس طرح اچانک سامنے آتا ہے کہ ڈرائیورز کو پتا نہیں چل پاتا، جس کی وجہ سے کئی گاڑیاں گڑھے میں گریں۔
یہ ویڈیو ایک گاڑی کے ڈیش بورڈ پر لگے کیمرے میں ریکارڈ ہوئی، جو حادثے کی شکار گاڑی کے بالکل پیچھے چل رہی تھی، اور خود حادثے سے بال بال بچ گئی، ویڈیو میں دیکھا جا سکتا ہے کہ گاڑی اچانک گڑھے میں جا گری اور دیگر گاڑیوں میں سوار لوگ اس کی مدد کے لیے فوری طور پر پہنچے۔
Dashcam footage shows the moment a car drove off a #collapsed #bridge in China’s #Heilongjiang province. Remnants of Typhoon #Doksuri prompted local authorities to warn of severe weather on August 4. Some areas in China are dealing with the worst floods in decades. #CGTNAmerica pic.twitter.com/azkVjzuegx
— CGTN America (@cgtnamerica) August 4, 2023
خوش قسمتی سے اس حادثے میں ڈرائیور محفوظ رہا، لوگوں نے اسے بڑی مشکل سے لیکن بہ حفاظت گاڑی سے کھینچ کر نکال لیا۔ ویڈیو میں دیکھا جا سکتا ہے کہ گڑھے میں پہلے بھی گاڑیاں گری ہوئی تھیں۔ مقامی میڈیا رپورٹس کے مطابق ان حادثات میں کوئی جانی نقصان نہیں ہوا۔
واضح رہے کہ ہیلونگ جیانگ ڈوکسوری کی زد میں آنے والا تازہ ترین مقام ہے، جس کی وجہ سے متعدد افراد ہلاک اور ہزاروں افراد بے گھر ہوئے ہیں۔
