شوبز انڈسٹری کی نامور ماڈل و اداکارہ نادیہ حسین نے کیریئر کے عروج پر شادی کرنے کی وجہ بتادی
اے آر وائی زندگی کے پروگرام ’دی نائٹ شو ودھ ایاز سموں‘ میں ماڈل نادیہ حسین نے شرکت کی اور میزبان کی جانب سے پوچھے گئے مختلف سوالات کے جوابات دیے۔
نادیہ حسین نے بتایا کہ چار سال میں شادی ہوگئی تھی اور اس کی وجہ محبت تھی۔
اداکارہ نے کہا کہ کہانی اسے شروع ہوئی کہ وہ میرے بروکر تھے مجھے اسٹاک میں سرمایہ کاری کرنا تھی، اور وہ کہتے تھے کہ میرے پیسے ڈبل ہوجائیں گے تو مجھے انہیں ڈنر پر لے جانا پڑے گا۔
ایک سوال کے جواب میں نادیہ حسین نے کہا کہ ’میری خالہ ٹینا ثانی کا میڈیا سے تعلق ہے جب وہ شروع میں ریکارڈ پر جاتی تھیں تو بچوں کو بلا لیتی تھیں تو ہم آڈینس میں چلے جاتے تھے۔
انہوں نے کہا کہ ’کبھی کبھی شوبز میں آنے کا ارادہ نہیں تھا، جب اے لیول ختم کیا تو ایک موقع ملا کہ جہاں میری دوست ایڈورٹائزنگ ایجنسی میں کام کررہی تھی اس نے مجھے پروجیکٹ کے لیے ماڈلنگ کا کہا تو میں نے ہاں کردی۔‘
نادیہ حسین نے کہا کہ اس کے بعد ہیئر کٹ کے لیے گئی تھی وہاں مبشر خان نے مجھے دیکھا تو انہوں نے کہا کہ تمہیں تو ماڈلنگ کرنی ہے میں نے کہا کہ میں ایک جگہ کرچکی ہوں تو وہ کہنے لگے کہ تمہیں فیشن شوز کرنے چاہیں اور اس فیلڈ میں انا چاہیے۔