حافظ آباد: اینٹی کرپشن نے غیر قانونی بھرتیوں پر تحریک انصاف کے سابق ایم پی اے احسن بھٹی کے خلاف مقدمہ درج کر لیا۔
تفصیلات کے مطابق اینٹی کرپشن کی جانب سے سابق ایم پی اے پی ٹی آئی احسن بھٹی کے خلاف غیر قانونی بھرتیوں پر مقدمہ درج کیا گیا ہے، جس میں سابق سی ای او ایجوکیشن جاوید اقبال کو بھی نامزد کیا گیا ہے۔
محکمہ اینٹی کرپشن کے مطابق بھرتی کمیٹی ممبران کے خلاف بھی مقدمہ درج کیا گیا ہے، سابق ایم پی اے نے پرائیویٹ سیکریٹری کو بھی محکمہ تعلیم میں بھرتی کرایا تھا۔
مقدمے کے متن میں کہا گیا ہے کہ غیر قانونی بھرتیوں میں ملزمان کی جانب سے جعلی سرٹیفکیٹ بھی جمع کرائے گئے۔
Comments
- Advertisement -
