سیکریٹریٹ روڈ حادثہ جس میں وفاقی وزیر مذہبی امور مفتی عبدالشکور جاں بحق ہوئے اس واقعے کی ابتدائی رپورٹ آئی جی اسلام آباد کو ارسال کر دی گئی ہے۔
تفصیلات کے مطابق وفاقی وزیر مذہبی امور مفتی عبدالشکور کی ٹریفک حادثے میں جاں بحق ہونے کے واقعے کی ابتدائی رپورٹ ٹریفک پولیس نےآئی جی اسلام آباد کو بھجوائی ہے۔
وفاقی وزیر مذہبی امور مولانا عبدالشکور ٹریفک حادثے میں جاں بحق
ابتدائی رپورٹ میں حادثے کی وجہ دوسری گاڑی کی تیز رفتاری بتائی گئی۔ رپورٹ کے مطابق ٹکر مارنے والی گاڑی تیز رفتار تھی، حادثے کی جگہ بریک لگانے کی گنجائش کم تھی۔
دوسری جانب مفتی عبدالشکور کی میت کا بیرونی پوسٹ مارٹم پولی کلینک میں مکمل کر لیا گیا ہے جس کے بعد میت سردخانے منتقل کر دی گئی ہے۔
پولیس اور اسپتال انتظامیہ نےضابطے کی کارروائی مکمل کر لی ہے اور مفتی عبدالشکور کا ڈیتھ سرٹیفکیٹ تیارکر لیا گیا ہے۔
