کراچی: ترجمان پاک بحریہ کے مطابق پاک بحریہ کے آخری ٹائپ۔21 کلاس جہاز پی این ایس طارق کی الوداعی تقریب منعقد ہوئی۔
ترجمان پاک بحریہ کی جانب سے جاری بیان میں کہا گیا کہ پاک بحریہ کے آخری ٹائپ۔21 کلاس جہاز پی این ایس طارق کی الوداعی تقریب میں وزیر خارجہ بلاول بھٹو زرداری مہمان خصوصی تھے۔
ترجمان پاک بحریہ کے مطابق پاکستان نیوی ڈاکیارڈآمد پرچیف آف دی نیول اسٹاف ایڈمرل محمد امجد خان نیازی نے وزیر خارجہ بلاول بھٹو کا استقبال کیا، مہمان خصوصی بلاول نے گزشتہ 3 دہائیوں میں مادر وطن کے دفاع کیلئے پی این ایس طارق کی شاندار خدمات کو سراہا۔
ترجمان کا بتانا تھا کہ وزیر خارجہ بلاول بھٹو نے جہاز کو بہترین آپریشنل حالت میں برقرار رکھنے پر جہاز کے عملے کی تعریف، ترجمان نے بتایا کہ 1993 میں برطانیہ کی رائل نیوی سے لیے گئے جہاز کی پاک بحریہ میں شمولیت کے وقت وزیر اعظم شہید محترمہ بے نظیر بھٹو تقریب کی مہمان خصوصی تھیں۔
ترجمان پاک بحریہ نے بتایا کہ کا پی این ایس طارق نے اب تک متعدد مشن سر انجام دیے، پی این ایس طارق نے 2005 میں آئے سونامی کے بعد مالدیپ میں سرچ اینڈ ریسکیو آپریشن میں بھی حصہ لیا۔
ترجمان پاک بحریہ کی جانب سے جاری بیان میں مزید کہا گیا پی این ایس طارق کو پاک نیوی اور رائل نیوی کی یادگار کے طور پر برطانیہ کے بحری میوزیم رکھا جائے گا، تقریب میں سول و ملٹری شخصیات بشمول پی این ایس طارق کے سابق کمانڈنگ افسران اور عملے نے شرکت کی۔
