اسلام آباد : چیئرمین نیب لیفٹیننٹ جنرل(ر) نذیر احمد بٹ نے نیب کو غیر سیاسی بنانے کے عزم کا اظہار کرتے ہوئے کہا کہ نیب کو صد فیصد غیر سیاسی بناکراس کا کھویا ہوا مقام واپس دلائیں گے۔
تفصیلات کے مطابق چیئرمین نیب لیفٹیننٹ جنرل(ر)نذیراحمد بٹ نے تقریب سے خطاب کرتے ہوئے کہا کہ کرپشن کیسزمیں بالواسطہ اور بلاواسطہ ریکوریزہورہی ہیں، ماضی میں نیب کو پولیٹیکل انجینئرنگ کے طور پر استعمال کرنے کی کوشش کی گئی، وعدہ کرتا ہوں نیب کو صد فیصد غیر سیاسی بناکراس کا کھویا ہوا مقام واپس دلائیں گے۔
لیفٹیننٹ جنرل(ر)نذیراحمد بٹ کا کہنا تھا کہ نیب کی ساکھ بحال کرنےکیلئےاقدامات کررہےہیں، ہمیں اپنی کوتاہیوں،کمزوریوں کاادراک ہے، یقین دلاتاہوں ہم پہلےنیب کی اصلاح کریں گے اور ہم عوام کااعتمادبحال کریں گے ، قوم نےجوذمہ داری دی اسےبخوبی نبھائیں گے۔
چیئرمین نیب نے کہا کہ متاثرین کی مدد کیلئےنئی پالیسی بنارہے ہیں، دھوکہ دہی کے متاثرین کی رائے کومدنظررکھ کر آئندہ کی پالیسی مرتب کی جائےگی، متاثرین کیساتھ نیب کا عملہ بیٹھ کرمشاورت سےمسائل کا حل بتائےگا۔
ان کا کہنا تھا کہ بدعنوانی کے خاتمےمیں ہماراکوئی فیورٹ اوردشمن نہیں ہے، نیب کو مکمل طور پر غیر سیاسی بناکردم لیں گے۔
لیفٹیننٹ جنرل(ر)نذیراحمد بٹ نے مزید بتایا کہ نیب میں نقائص دورہوچکےہیں، نیب 100فیصدغیرسیاسی عمل کانمونہ بناکردکھائےگا، ہم نےنیب کوعقوبت خانہ نہیں بنانا، ہم نےجرم کاخاتمہ کرنا ہے ملزم کا نہیں۔
چیئرمین نیب کا مزید کہنا تھا کہ سزا دینا یا ریلیف دینا عدلیہ کاکام ہے، کم لوگ ہیں جن کی وجہ سےہماری نیک نامی پردھبہ لگتا ہے۔
