پاکستان کرکٹ بورڈ کی منیجمنٹ کمیٹی کے چیئرمین ذکا اشرف بھارت پہنچ گئے ہیں وہ آئی سی سی میٹنگ میں شرکت کے علاوہ ورلڈ کپ فائنل بھی دیکھیں گے۔
اے آر وائی نیوز کے مطابق پاکستان کرکٹ بورڈ کی منیجمنٹ کمیٹی کے سربراہ ذکا اشرف بھارت پہنچ گئے ہیں۔ وہ کل (ہفتہ) کولکتہ میں انٹرنیشنل کرکٹ کونسل (آئی سی سی) کے بورڈ اجلاس میں شرکت کریں گے۔
بعد ازاں پی سی بی چیئرمین احمد آباد جائیں گے جہاں وہ کل ہونے والے آئی سی سی ون ڈے ورلڈ کپ کا فائنل میچ بھی دیکھیں گے۔
- Advertisement -
ذکا اشرف کے ہمراہ پی سی بی کے چیف ایگزیکٹو آفیسر سلمان نصیر بھی بھارت گئے ہیں۔
یاد رہے کہ ورلڈ کپ کا فائنل میزبان بھارت اور آسٹریلیا کے درمیان نریندر مودی اسٹیڈیم میں کھیلا جائے گا۔
