پاکستان تحریک انصاف کی رہنما مسرت جمشید چیمہ نے کہا ہے کہ آج 9 بجے زمان پارک پر عید کی چاند رات کا جشن ہوگا۔
اے آر وائی نیوز کے مطابق پاکستان تحریک انصاف کی رہنما اور سابق ترجمان پنجاب حکومت مسرت جمشید چیمہ نے سماجی رابطوں کی ویب سائٹ ٹوئٹر پر پیغام میں کہا ہے کہ آج زمان پارک پر چاند رات کا جشن ہوگا۔
مسرت چیمہ نے اپنے ٹویٹ میں لکھا کہ آج کپتان عمران خان کارکنوں اور قوم کے ساتھ چاند رات منائیں گے اس سلسلے میں زمان پارک پر چاند رات کا جشن ہوگا۔
پی ٹی آئی رہنما کے مطابق اس جشن چاند رات میں ابرار الحق، نجم شیراز سمیت کئی مشہور ومعروف شخصیات شرکت کریں گی جب کہ عمران خان کارکنوں سے گفتگو اور خصوصی خطاب بھی کریں گے۔
آج کپتان اپنے کارکنان اور پوری قوم کے ساتھ چاند رات منائیں گے. آج 9 بجے زمان پارک پر چاند رات کا جشن ہوگا جس میں قوالی کے علاوہ ابرار الحق، نجم شیراز سمیت سلیبرٹیز شامل ہوگی. چئیرمین اپنے کارکنان کے ساتھ interactive سیشن بھی کریں گے اور خصوصی خطاب بھی کریں گے
— Musarrat Cheema (@MusarratCheema) April 21, 2023
اپنے ایک اور ٹویٹ میں مسرت چیمہ کا کہنا تھا کہ ہزاروں کارکنان عید کپتان کے ساتھ منانے کے لیے زمان پارک پہنچ رہے ہیں۔ خواتین کے لیے خصوصی اسٹالز اور کیمپس لگائے گئے ہیں۔ عید پر زمان پارک کی رونقیں دگنی ہوجائیں گی۔
ہزاروں کارکنان عید کپتان کے سنگ منانے کے لیے زمان پارک پہنچ رہے ہیں. خواتین کے لیے خصوصی اسٹالز اور کیمپس لگائے گئے ہیں. انشاءاللہ عید پر زمان پارک کی رونقیں دوگنی ہو جائیں گی. pic.twitter.com/d5gozu19Lq
— Musarrat Cheema (@MusarratCheema) April 21, 2023
انہوں نے اپنے اس ٹویٹ میں زمان پارک کے باہر کارکنوں کے اجتماع کے حوالے سے کچھ تصاویر بھی شیئر کی ہیں۔
