راولپنڈی: این اے 53 کے امیدوار چوہدری نثار کے حامیوں نے ن لیگ کے کارکن پر مبینہ تشدد کیا جس کا مقدمہ درج کرلیا گیا۔
تفصیلات کے مطابق راولپنڈی کے تھانہ چکری میں سابق وزیرِ داخلہ چوہدری نثار کے 7 کارکنوں پر مقدمہ درج کر لیا گیا، مقدمہ لیگی امیدوار انجینئر قمر الاسلام اور چوہدری نعیم اعجاز کی مدعیت میں درج کیا گیا۔
مقدمے کے متن کے مطابق چوہدری نثار کے کارکن گزشتہ رات گھر میں زبردستی داخل ہوئے، کارکنوں نے تشدد کا نشانہ بنایا اور ن لیگ کی الیکشن مہم چلانے پردھمکیاں دیں.
مقدمے کے متن کے مطابق ملزمان نے گھر میں توڑ پھوڑ کی اور گیس سلنڈر اٹھا کر لے گئے۔
Comments
- Advertisement -
