چنئی: طوفانی بارش کے دوران پھنسے عامر خان کو ریسکیو ورکرز نے بچالیا

چنئی میں میں طوفانی بارش اور سیلابی صورتحال کے دوران بالی وڈ اداکار عامر خان بھی وہاں پھنس گئے، امدادی کارکنوں نے انھیں ریسکیو کیا۔

بھارتی ریاست تامل ناڈو کے شہر چنئی میں ان دنوں طوفانی بارشیں ہورہی ہیں اور ہوائوں کے جھکڑ چل رہے ہیں جس کے باعث وہاں ایمرجنسی کی صورتحال ہے۔ بھارتی اداکار وشنو وشال نے سوشل میڈیا پر تصوریر شیئر کرتے ہوئے بتایا کہ انھیں اور عامر خان کو چنئی سے امدادی کارکنوں نے ریسکیو کیا۔

سوشل میڈیا پلیٹ فارم ’ایکس‘ پر اپنی ٹوئٹ میں انھوں نے لکھا کہ ’ہم جیسے لوگ جو پھنسے ہوئے تھے ان کی مدد کرنے پر فائر اینڈ ریسکیو ڈیپارٹمنٹ کا شکریہ۔‘ ساتھ ہی انھوں نے معروف اداکار عامر خان کے ساتھ تصوری بھی پوسٹ کی۔

Thanks to the fire and rescue department in helping people like us who are stranded

Rescue operations have started in karapakkam..
Saw 3 boats functioning already

Great work by TN govt in such testing times

Thanks to all the administrative people who are working relentlessly https://t.co/QdoW7zaBuI pic.twitter.com/qyzX73kHmc

— VISHNU VISHAL – VV (@TheVishnuVishal) December 5, 2023

انھوں نے مزید لکھا کہ ’کراپکم میں ریسکیو آپریشن شروع کر دیا گیا ہے، ہم نے3 کشتیوں کو امدادی کاموں میں حصہ لیتے دیکھا ہے۔ اس آزمائشی وقت میں تامل ناڈو کی حکومت زبردست کام کررہی ہے۔ تمام انتھک محنت کرنے والوں کا شکریہ۔‘

ان کی پوسٹ پر اسٹیٹ انڈسٹری منسٹر ڈاکٹر ٹی آر بھی راجہ نے کہا کہ آپ اپنے ساتھ کھڑے عامر خان کا شکریہ ادا کرنا بھی نہ بھولیں جو واقعی ایک عظیم انسان ہیں۔

Thanks for the appreciation @TheVishnuVishal and please do thank the gentleman next to you for being such a class human being ! Astounding that he didn't try to pull any strings to be rescued ! Awesome to see him being so grounded and WAITING HIS TURN to be rescued just like any… https://t.co/3ByJr8jRRs

— Dr. T R B Rajaa (@TRBRajaa) December 5, 2023

منسٹر نے لکھا کہ ’عامر خان نے ریسکیو ہونے کے لیے اپنی باری کا انتظار کیا۔ انھوں نے اپنا نام استعمال کرنے سے قطعی گریز کیا۔ ان میں بہت زیادہ انکساری ہے وہ بہترین انسان ہیں۔‘

Comments