لاہور : چیف جسٹس لاہور ہائیکورٹ محمد امیر بھٹی کا کہنا ہے کہ جو آپ کے کام میں مداخلت کرے گا تو اسے نہیں کہنا سیکھ لیں ، جو سچا ہوتا ہے اسےکچھ کہنے کی ضرورت نہیں۔
تفصیلات کے مطابق چیف جسٹس لاہور ہائیکورٹ محمد امیر بھٹی نے تقریب سے خطاب کرتے ہوئے کہا کہ اللہ اور رسول کے احکامات کے مطابق فیصلے کریں تو دنیا ،آخرت سنور جائے گی، یہ راستہ آسان نہیں ہے لیکن مشکل بھی نہیں ہے۔
چیف جسٹس لاہور ہائیکورٹ کا کہنا تھا کہ جو آپ کے کام میں مداخلت کرے گا تو اسے نہیں کہنا سیکھ لیں، راستہ وہاں بنتا ہے جہاں آپ خاموشی اختیار کرتے ہیں۔
جسٹس محمد امیر بھٹی نے کہا کہ جو سچا ہوتا ہے اسےکچھ کہنے کی ضرورت نہیں، کسی کے کہنے پر کبھی فیصلہ مت کریں ، یہ اللہ کی طرف سے کام آپ کو دیا گیا ہے۔
ان کا مزید کہنا تھا کہ آپ اور میں اللہ کی رضا کے لیے یہاں ہیں ، یہ بہت بڑا منصب ہے دنیا میں عظیم منصب ہے اسکی آپ نے عزت کرنی ہے، یہ پروفیشن لوگوں کی نظر میں مزید محترم ہو گا۔
لوگوں کی مداخلت اس میں نہیں ہونے دینی چاہیے، آپ نے کل کو کچھ اور نہیں سوچنا کہ تنخواہ کم ہے یا سہولتیں کم ہیں۔
