نئی دہلی : بھارت میں ایک درندہ صفت ملزم نے چار سالہ بچی کو اغواء کرکے زیادتی کا بنا ڈالا، بچی کو زخمی حالت میں مقامی اسپتال میں داخل کرایا گیا ہے۔
تفصیلات کے مطابق بھارت کے دارالحکومت نئی دہلی میں ایک دردناک واقعہ پیش آیا ہے، جس میں چار سالہ معصوم بچی کو جنسی زیادتی کا نشانہ بنایا گیا ہے۔
واردات کے بعد ملزم فرار ہونے میں کامیاب ہوگیا، مقامی پولیس نے مقدمہ درج کر لیا ہے، پولیس کے مطابق بچی گھر باہر کھیل رہی تھی کہ ایک نوجوان اسے بہلا پھسلا کر اپنے ساتھ لے گیا۔
بچی کے اہل خانہ نے بچی کے لاپتہ ہونے کی رپورٹ درج کرائی تحقیقات کے دوران پولیس کو ایک سی سی ٹی وی فوٹیج ملی ہے جس میں ایک نوجوان بچی کو لے جاتے ہوئے دکھائی دے رہا ہے۔
واردات کے اگلے دن صبح چار سالہ مغوی بچی ایک پارک کے پاس تشویشناک حالت میں ملی جسے تشدد اور زیادتی کا نشانہ بنایا گیا تھا۔
بھارتی میڈیا کے مطابق ملزم اپنے ہی گاؤں کی چار سالہ بچی کو ورغلاکر لے گیا تھا بعد ازاں اس سے زیادتی کرتا رہا ۔پولیس نے متاثرہ بچی کے اہل خانہ کی درخواست پر قانونی کارروائی شروع کردی ہے۔