پاکستان میں تعینات چین کے سفیر نونگ رونگ کا کہنا ہے کہ چین پاکستان کی تعمیر و ترقی میں تعاون جاری رکھے گا۔
اسپیکر قومی اسمبلی راجہ پرویز اشرف سے چینی سفیر نونگ رونگ کی الوداعی ملاقات ہوئی جس میں دو طرفہ تعلقات سمیت اہم علاقائی اور عالمی امور پر تبدالہ خیال کیا گیا۔ اسپیکر نے پاک چین تعلقات کے لیے سفیر کی خدمات کو سراہا ۔
راجہ پرویز اشرف کا کہنا تھا کہ چین نے ہر مشکل وقت میں پاکستان کا ساتھ دیا ہے، سی پیک منصوبہ چین کی طرف سے پاکستانی عوام کے لیے تحفہ ہے۔
انہوں نے کہا کہ پاکستان میں حالیہ سیلاب کے دوران ریلیف اور بحالی کے لیے چین نے بڑھ چڑھ حصہ لیا، پاکستانی قوم فراخدلانہ امداد پر چینی عوام اور حکومت کی مشکور ہے۔
ملاقات میں نونگ رونگ نے کہا کہ چین حکومت اور عوام کو بھی پاکستان کے ساتھ سدا بہار دوستی پر فخر ہے۔
Comments
- Advertisement -
