بھارت کے ایک ریسٹورنٹ میں بھوک سے نڈھال گاہک نے جب فرائیڈ چاول کی پلیٹ منگوائی تو اس میں سے مردہ لال بیگ نکل آیا۔ انتظامیہ نے اپنی غلطی چھپانے کے لیے اسے تلی ہوئی پیاز قرار دے دیا۔
غیر ملکی میڈیا کے مطابق واقعہ چندی گڑھ مال کے اندر چینی ریسٹورنٹ کے آؤٹ لیٹ میں پیش آیا جہاں فرائیڈ چاول کا آرڈر انیل کمار نامی گاہک نے دیا تھا۔
انیل کمار جب چاول کی آدھی سے زیادہ پلیٹ کھا چکے تو انہیں ایک عجیب سے چیز نظر آئی۔ جب انہوں نے غور سے دیکھا تو وہ مرا ہوا لال بیگ تھا۔
گاہک نے ریسٹورنٹ میں ہنگامہ برپا کر دیا جس پر انتظامیہ نے اپنی غلطی چھپانے کے لیے کہہ ڈالا ’یہ تو تلی ہوئی پیاز ہے‘۔
انیل کمار نے فوری طور پر پولیس کو شکایت دی۔ پولیس نے ریسٹورنٹ پہنچ کر کھانے کے سیمپلز لیے اور ٹیسٹ کے لیے لیبارٹری بھجوا دیے۔ رپورٹ آنے کے بعد مزید کارروائی کی جائے گی۔
خیال رہے کہ چندی گڑھ مال کے ایک ریسٹورنٹ میں چھولے کی پلیٹ سے چھپکلی ملنے کا واقعہ بھی گزشتہ ماہ پیش آ چکا ہے جس کی ویڈیو سوشل میڈیا پر خوب وائرل ہوئی تھی۔
Had a very horrible experience on 14.6.22, at Sagar Ratan, food court, Elante Mall, Chandigarh. A live Lizard was found in semi-conscious state under the Bhatura. Complaint given to @DgpChdPolice they made sample seized by food health Dept. Chd. @KirronKherBJP@DoctorAjayita pic.twitter.com/ej4sLHrnH5
— Rana Ravi #RWorld (@raviranabjp) June 15, 2022
