لاہور: پنجاب پولیس نے پی ٹی آئی رہنما شہباز گل کے خلاف امریکی قونصل خانے میں شکایت دائر کردی۔
اے آر وائی نیوز کے مطابق پنجاب پولیس نے پی ٹی آئی رہنما شہباز گل کے خلاف امریکی سفیر ڈونلڈ بلوم کے نام درخواست دائر کی ہے جبکہ درخواست ایس ایس پی انویسٹی گیشن ڈاکٹر انوش کیخلاف ٹوئٹ پر دائر کی گئی ہے۔
پنجاب پولیس کا کہنا ہے کہ شہباز گل ملک میں مذہبی منافرت اور افرا تفری پھیلانا چاہتے ہیں۔
درخواست میں کہا گیا ہے کہ ڈاکٹر انوش، پولیس کے خلاف ٹوئٹ کرکے شہباز گل نے مذہبی رنگ دیا ہے، ڈاکٹر انوش اس وقت 9 مئی کی متعدد انکوائریاں کررہی ہیں۔
پنجاب پولیس نے درخواست میں موقف اپنایا ہے کہ شہباز گل امریکا میں رہائش پذیر ہیں، دوہری شہرت رکھتے ہیں، پاکستان میں کوئی امریکی افسران کے خلاف پروپیگنڈا کرے تو ہم کارروائی کریں گے لہٰذا امریکی انتظامیہ شہباز گل کے خلاف انکوائری کرے۔
