ریاض :سعودی عرب کے پرانے اسکولوں میں مکہ معظمہ میں قائم الرحمانیہ اسکول مملکت کا پہلا سرکاری اسکول ہے جس کی عمر 111 سال ہے۔
تفصیلات کےمطابق سعودی عرب کی وزارت تعلیم کی ویب سائٹ پر پوسٹ کردہ تصاویر اور ایک دستاویز کے مطابق الرحمانیہ اسکول 1330ھ کو قائم کیا گیا، اس اسکول کو یہ اعزاز حاصل ہے کہ مملکت آل سعود کے بانی شاہ عبدالعزیز آل سعود نے بھی اس اسکول کا وزٹ کیا۔
رحمانیہ اسکول کے سابق پرنسپل خالد الحسینی نے کہا کہ 1441ھ کو رحمانیہ اسکول نے اپنے طویل تعلیمی دورانیے کے 111 سال مکمل کرلیے ہیں۔
انہوں نے بتایا کہ الشیخ محمد حسین خیاط اس اسکول کے بانی تھے، سنہ 1354ھ تک اس اسکول کومسعیٰ اسکول کے نام سے یاد کیا جاتا، اس کے بعد اس کی عمارت الصفا منتقل کی گئی۔
حرم مکی شریف کی 13756ھ میں توسیع کے بعد یہ اسکول القرارہ کالونی میں منتقل ہوگیا اور اس کے بعد یہ سعودی عرب کی وزارت تعلیم کے ماتحت کام کررہا ہے۔
