اسلام آباد : وفاقی وزیراطلاعات مریم اورنگزیب نے کہا ہے کہ عدالت عمران خان کی گرفتاری کا آرڈر کیوں نہیں دیتی؟
یہ بات انہوں نے اپنے بیان میں کہی انہوں نے کہا کہ ملک بھر کی عوام ٹی وی اسکرین پر سارا تماشہ دیکھ رہے ہیں، ایک شخص کو عدالت منتیں ترلے کرکے بلارہی ہے۔
وزیراطلاعات کا کہنا تھا کہ عمران خان ایک مجرم ہیں اور یہ مجرم آج عدالت پرحملہ آور ہے، کیا22کروڑ عوام کو یہ سہولت حاصل ہے؟ ایک شخص سوشل میڈیا پرعدالت پر حملے کی کال دیتا ہے، قانون اورعدالتی نظام کا تماشہ ہے۔
انہوں نے بتایا کہ نوازشریف کی پیشی کے موقع پر اس وقت کے وزیر داخلہ کو عدالت کے اندر جانے سے روک دیا گیا تھا، ہماری قیادت جھوٹے مقدمات میں عدالتوں میں پیش ہوتی رہی،
جیل بھرو تحریک کا اعلان کرنے والا اپنی ضمانتیں کراتا پھررہا ہے، ایک شخص پاکستان کی ہرعدالت میں مطلوب ہے، عمران خان صدر مملکت کے دفتر کو ذاتی مقاصد کیلئے استعمال کررہا ہے۔
عمران خان نے عدالتی نظام کا مذاق بنا رکھا ہے، یہ عدالت عمران خان کی گرفتاری کا حکم کیوں نہیں جارہی کررہی؟ عمران خان ایسا لاڈلا ہے جو آئین و قانون کی پاسداری اور عدالتوں کا احترام نہیں کرتا۔
