بھارت میں کورونا کے نئے سب ویرینٹ جے این 1 کے سبب ایک بار پھر خطرے کی گھنٹی بج گئی ہے، 24 گھنٹوں کے دوران کورونا وائرس کے نئے 328 کیسز رپورٹ ہوئے ہیں۔
بھارتی میڈیا کا اس حوالے سے کہنا ہے کہ ملک میں 24 گھنٹوں میں کورونا کے 328 کیسز سامنے آئے ہیں جبکہ ریاست کیرالہ میں کورونا کے سبب ایک شخص جان کی بازی ہار گیا ہے۔
بھارتی میڈیا کے مطابق کورونا کے نئے کیسز سامنے آنے کے بعد مجموعی کیسز کی تعداد بڑھ کر 2997 تک پہنچ گئی ہے۔
بھارت کی مختلف ریاستوں میں حکام کو اس نئے سب ویرینٹ سے الرٹ رہنے کے احکامات بھی جاری کردیے گئے ہیں۔
بھارتی وزارت صحت نے کرونا وائرس کے بڑھتے ہوئے کیسز کے پیش نظر ملک بھر میں ماسک ایڈوائزری جاری کر دی ہے، جس کے مطابق تمام بزرگ شہریوں اور ایک سے زائد بیماریوں کے شکار افراد کو ماسک پہننا لازمی قرار دیا گیا ہے۔
سعودی عرب کے معمر ترین شہری نے اپنی صحت کا راز بتادیا
واضح رہے کہ بھارت میں کورونا وائرس کے ایک نئے ویریئنٹ JN.1 کے کیسز سامنے آ رہے ہیں، جس نے نئے خدشات کو جنم دیا ہے۔
