سوئمنگ پول میں اچانک مگر مچھ نکل آیا اور اس نے پول کی صفائی کرنے والے ملازم کو زخمی کردیا، سوشل میڈیا پر پول میں موجود مگرمچھ کی ویڈیو وائرل ہوگئی۔
غیرملکی میڈیا رپورٹس کے مطابق ہھارت میں واقع بی ایم سی شیواجی پارک کے سوئمنگ پول کی صفائی کرنے والے ملازم اس وقت حیران رہ گئے جب انھوں نے علی الصباح پول میں مگرمچھ کو تیرتا ہوا دیکھا۔
سوئمنگ پول کے اندر موجود 2 فٹ لمبے مگرمچھ کے بچے کو پکڑنے کی کوشش کی گئی تو اس نے ایک ملازم کو کاٹ لیا۔ صفائی کرنے والے زخمی ملازم کو فوری طور پر اسپتال لے جایا گیا جہاں اسے بروقت طبی امداد مہیا کی گئی۔
حیران کن بات یہ ہے کہ اس سوئمنگ پول میں بچوں سمیت 2000 افراد روزانہ تیراکی کے لیے آتے ہیں۔ اس واقعے کی ویڈیو سوشل میڈیا پر وائرل ہورہی ہے جس میں مگرمچھ کے بچے کو تالاب میں تیراکی کرتے اور ادھر ادھر چکر لگاتے ہوئے دیکھا جاسکتا ہے۔
بعدازاں اس رینگنے والے جانور کو ماہرین کی مدد سے پکڑلیا گیا جبکہ اسے متعلقہ محکمے کے حوالے کرنے کی کارروائی جاری ہے۔
Crocodile inside the BMC Shivaji Park Swimming Pool in Dadar
A 2-foot-long crocodile was discovered in the pool and bit a BMC Pool employee, who was brought to the hospital.#Maharashtra #Nanded #AsianGames2023 #YashasviJaiswal #NewsClick Abhisar Sharma Delhi Police pic.twitter.com/3ULgNuIfud
— zadakhabar (@zadakhabar) October 3, 2023
سوئمنگ پول اور تھیٹر کے کوآرڈینیٹر سندیپ ویشمپیان نے بتایا کہ ہر صبح سوئمنگ پول کو ممبروں کے لیے کھولنے سے پہلے متعلقہ عملے کے ارکان اس کا بغور معائنہ کرتے ہیں۔
اسی طریقہ کاری پر عمل کرتے ہوئے آج صبح تقریباً ساڑھے 5 بجے کے قریب سوئمنگ پول کا معائنہ کیا جارہا تھا، اس دوران اولمپک سائز ریسنگ سوئمنگ پول میں مگرمچھ کا ایک بچہ تیرتا ہوا پایا گیا۔
واضح رہے کہ اس سوئمنگ پول کے ساتھ ہی ایک نجی چڑیا گھر کا میوزیم بھی واقع ہے، غالب امکان یہی ہے کہ مگرمچھ وہاں سے سوئمنگ پول کی طرف آیا ہے۔
