لاہور : کاؤنٹر ٹیررازم ڈیپارٹمنٹ ( سی ٹی ڈی ) کے عملے نے پنجاب کے مختلف اضلاع میں کامیاب کارروائیاں کرکے کالعدم تنظیم کے دو دہشت گردوں کو گرفتار کرلیا۔
اس حوالے سے ترجمان سی ٹی ڈی کا کہنا ہے کہ گرفتار ملزمان میں سرفراز احمد اور زبیر احمد شامل ہیں، گرفتار ملزمان کے قبضے سے 1320گرام بارودی مواد، 4 ڈیٹونیٹرز، پستول، موبائل فون اور بھاری مالیت کی نقدی برآمد کرلی۔
سی ٹی ڈی حکام کے مطابق گرفتار دہشت گرد کا تعلق کالعدم تنظیم سے ہے، جسے مزید تفتیش کے لیے نامعلوم مقام پر منتقل کردیا گیا ہے۔
ترجمان سی ٹی ڈی کے مطابق 19ممنوعہ پمفلٹ، 2 کالعدم تنظیموں کی کتابیں اور 3 میگزین بھی برآمد ہوئے ہیں، رواں ہفتے کے دوران سی ٹی ڈی نے 367 کومبنگ آپریشن کئے۔
سی ٹی ڈی ترجمان کا مزید کہنا ہے کہ کومبنگ آپریشنز کے دوران 226 مبینہ دہشت گردوں کو حراست میں لیا گیا، ملزمان کے خلاف مجموعی طور پر22 مقدمات درج کئے گئے ہیں۔
