کراچی : سی ٹی ڈی نے سیاسی جماعت کاروپوش ٹارگٹ کلرمحمدبیگ عرف شیراز کو گرفتار کرلیا ، ملزم پولیس اورمذہبی شخصیات کی ٹارگٹ کلنگ میں ملوث ہے۔
تفصیلات کے مطابق کراچی میں سی ٹی ڈی نے کارروائی کرتے ہوئے سیاسی جماعت کاروپوش ٹارگٹ کلرمحمدبیگ عرف شیراز کو گرفتار کرکے اسلحہ اوردستی بم برآمد کرلیا۔
ترجمان سی ٹی ڈی نے بتایا کہ پولیس اورمذہبی شخصیات کی ٹارگٹ کلنگ میں ملوث ہے، ملزم کوسیاسی جماعت نے انعام کے طور پر کے ڈی اےمیں ملازمت بھی دے رکھی تھی۔
دوران تفتیش ملزم نے دیگرساتھیوں کےہمراہ کراچی کےمختلف مقامات پروارداتوں کا انکشاف کیا۔
سی ٹی ڈی کا کہنا تھا کہ ملزم نے نئی ٹیم تشکیل دی تھی ،شہرمیں قتل و غارت کی منصوبہ بندی کررکھی تھی تاہم ملزم کے دیگر روپوش ساتھیوں کی گرفتاری کیلئے کوششیں جاری ہے۔
ترجمان کے مطابق ملزم نے12مئی 2017کوناتھاخان پل پرفائرنگ کرکےخوف و ہراس پھیلایا، 12مئی 2007 کو چیف جسٹس کو ایئرپورٹ تک محدودرکھا۔
اس کے علاوہ ملزم نے جماعت اسلامی کے کارکن جمال طاہر کو لانڈھی میں قتل کیا، شیر آباد36سی میں فرحان زبیر نامی شخص کو قتل کیا جبکہ ساتھیوں کیساتھ ملکرایم کیوایم حقیقی کے کارکن کو بھی قتل کیا۔
سی ٹی ڈی نے بتایا کہ ملزم نےمولاناسلیم نقشبندی کو ان کے گھرکےقریب فائرنگ کرکے قتل کیا جبکہ دارالعلوم کورنگی کے قریب نالے میں لاش پھینکنے اور لانڈھی نمبر 6کے قریب لسانی بنیاد پر 4افراد کے قتل میں ملوث ہے۔
گرفتار ملزم ایم کیوایم حقیقی کےکارکن کوقتل کرنے کے بعدآگ لگانے اور لانڈھی میں سیاسی رہنماکی گاڑی پرفائرنگ میں بھی ملوث ہے، واقعےمیں 2پولیس اہلکار شہید اور3زخمی ہوئے تھے۔
