آسٹریلیا سے مئی 2022 میں سفر کا آغٓاز کرنے والا سائیکلسٹ لاہور پہنچ گیا، ڈیوڈ میکورٹ اب تک 19 ہزار کلو میٹر کا سفر طے کرچکا ہے۔
تفصیلات کے مطابق مئی 2022 میں آسٹریلیا سے سفر شروع کرنے والا سائیکلسٹ پاکستان پہنچ چکا ہے۔ ڈیوڈ انڈونیشیا، ملائشیا، تھائی لینڈ، بنگلہ دیش، نیپال، بھارت سے ہوتا ہوا پاکستان پہنچا ہے۔
سائیکلسٹ کو لاہور پہنچنے کے لیے 19 ہزار کلو میٹر کا سفر طے کرنا پڑا ہے۔ ڈیوڈ شاہراہِ قراقرم سے چین، تاجکستان، کرغزستان، وسطی ایشیا اور پھر یورپ جانا چاہتا ہے۔
ڈیوڈ میکورٹ کی منزل ناردرن آئرلینڈ ہے۔ توقع ہے کہ سائیکلسٹ اگلے سال اپریل 2024 میں اپنا سفر مکمل کرلے گا۔
پناہ گزینوں کی امداد کے سلسلے میں سائیکلسٹ ڈیوڈ فنڈ ریزنگ مشن پر نکلا ہے۔ انڈونیشین سائیکلسٹ ڈیوان بھی ڈیوڈ میکورٹ کے ہمراہ ہے۔ ڈیوان سائیکل پر عمرہ کرنے حجاز مقدس سعودی عرب کے لیے عازمِ سفر ہے۔
