لاہور : سیکرٹری محکمہ خوراک نے بدعنوانی کے الزام میں ڈپٹی سیکرٹری کو عہدے سے معطل کردیا، انجم سردار کیخلاف الزامات ثابت ہونے پر کارروائی کی گئی۔
تفصیلات کے مطابق پنجاب کے محمکہ خواراک میں باردانے کی خریداری میں کروڑوں روپے کے گھپلوں کا انکشاف ہوا ہے، جس پر ڈپٹی سیکرٹری خوراک انجم سردار کو معطل کردیا گیا۔
اس حوالے سے ذرائع کا کہنا ہے کہ باردانے کی خریداری میں گھپلوں کی شکایات پر سیکرٹری فوڈ نے انکوائری کی جس میں ابتدائی تفتیش کے دوران ہی کروڑوں روپے کے گھپلے ثابت ہوگئے۔
گھپلے ثابت ہونے پرسیکرٹری فوڈ زمان وٹو نے فوری کارروائی کرتے ہوئے ڈپٹی سیکرٹری کو معطل کردیا، انجم سردار بطور ڈپٹی سیکرٹری ٹیکنیکل کام کررہے تھے۔
سیکرٹری خوراک پنجاب زمان وٹو نے کہا کہ کرپشن پرزیرو ٹالرنس پالیسی ہے، کرپٹ عناصر کی محکمہ خوراک میں کوئی جگہ نہیں ہے۔
Comments
- Advertisement -
