طائف میں ایک دو سالہ بچے نے دھاتی نٹ نگل لی جس کے بعد بچے کی طبعیت بگڑ گئی۔
سبق ویب سائٹ کے مطابق طائف میں کنگ عبدالعزیز اسپیشلسٹ اسپتال کے ڈاکٹروں نے دھاتی نٹ نگلنے والے دو سالہ بچے کی غذائی نالی سے نٹ نکال کر اس کی جان بچائی۔
طائف کے محکمہ صحت کا کہنا ہے کہ دو سالہ بچہ بہت بری حالت میں اسپتال لایا گیا تھا وہ مسلسل قے کررہا تھا، کھانے پینے سے قاصر تھا جبکہ بچہ گردن میں شدید درد میں مبتلا تھا۔
محکمہ صحت کا کہنا ہے کہ بچے کی صحت صورتحال اور ایکسرے کرانے کے بعد پتہ چلا کہ بچے نے کوئی ایسی چیز نگلی ہوئی ہے جس کی شکل دھاتی نٹ جیسی ہے۔
10 روز سے سیوریج لائن میں پھنسی بلی کو بچالیا گیا
ڈاکٹرز کا کہنا ہے کہ والدین کو اس حوالے سے پتہ ہی نہیں تھا کہ ان کا بچے تکلیف میں کیوں مبتلا ہے اور بچے نے یہ نٹ کب نگلا۔
کنگ عبدالعزیز اسپیشلسٹ اسپتال کے ڈاکٹر آلا الھذلی نے دھاتی نٹ نکالنے کے لیے بچے کا آپریشن کیا گیا، اسپیشل آلے کی مدد سے بچے کے حلق سے دھاتی نٹ نکال لیا گیا۔
محکمہ صحت کا کہنا ہے کہ اب بچے کی حالت بہتر ہے اور اسے اسپتال سے ڈسچارج کردیا گیا ہے۔
