مسلسل دو روز تک اضافے کے بعد ڈالر کی قیمت میں آج معمولی کمی ریکارڈ کی گئی ہے، جس کے مطابق ڈالر صرف دو پیسے سستا ہوا۔
تفصیلات کے مطابق ملک بھر میں مسلسل بڑھنے والی روپے کے مقابلے میں امریکی ڈالر کی قیمت کو بریک لگ گئی۔
اسٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعداد و شمار کے مطابق بدھ کے روز ملکی تبادلہ منڈیوں میں دو پیسے سستا ہو کر ڈالر 287 روپے 13پیسے کی سطح پر بند ہوا ہے۔
فاریکس ڈیلرز کا کہنا ہے کہ بینکوں نے درآمد کنندگان کو ڈالر287.63روپے میں فروخت کیا، اوپن مارکیٹ میں ڈالر308روپے میں فروخت ہورہا ہے۔
واضح رہے کہ رواں ہفتے کے ابتدائی تین دنوں میں ڈالر کی قیمت میں ایک روپے 31 پیسے کا اضافہ ہوا جب کہ اوپن مارکیٹ میں امریکی کرنسی کی قیمت فروخت 308 روپے ہے۔
اعداد و شمار کے مطابق انٹر بینک میں روپے کے مقابلےمیں امریکی ڈالر کی قیمت 287روپے 15پیسے سے کم ہو کر 287 روپے 13 پیسے ہو گئی ہے۔
اعداد و شمار کے مطابق امریکی ڈالر کی قدر میں 0.01 فیصد گراوٹ دیکھی گئی، خیال رہے کہ گزشتہ روز انٹر بینک ڈالر کی قیمت 287 روپے 15 پیسے ریکارڈ کی گئی تھی۔
Interbank closing #ExchangeRate for todayhttps://t.co/LOOFhYNSP5 pic.twitter.com/iLtWM1zIzt
— SBP (@StateBank_Pak) May 24, 2023
علاوہ ازیں اسٹیٹ بینک نے اپنے ایک اعلامیے میں بتایا ہے کہ ماہ جنوری سے مارچ2023کے دوران5 بینکوں پر22 کروڑ 40 لاکھ روپے کے جرمانے کیے گئے جبکہ5متعلقہ بینکوں نے قوانین کی خلاف ورزیاں کی ہیں۔